Skýrsla og áritun framkvæmdastjóra

Búseti starfar með sjálfbærni að leiðarljósi og leggur áherslu á að draga úr kolefnisspori félagsins og leggja sitt að mörkum til að draga úr umhverfisáhrifum starfseminnar.

Skýrsla og áritun framkvæmdastjóra vegna sjálfbærniuppgjörs Búseta fyrir árið 2020 er í samræmi við ESG-leiðbeiningar sem Nasdaq á Íslandi og Norðurlöndunum gáfu út á árinu 2019, leiðbeiningum sem settar voru fram árið 2015 af sameinuðu Þjóðunum, samtökum um sjálfbærar kauphallir (Sustainable Stock Exchange Initiative) og vinnuhópi hjá Alþjóðasamtökum kauphalla (World Federation of Exchange). Einnig er vísað í tilheyrandi viðmið GRI Standard (e. Global Reporting Initiative, GRI100-400) og meginviðmið (e. Reporting Principles, P1-10) alþjóðasáttmála Sameinuðu Þjóðanna (United Nations Global Compact, UNGC).

Búseti notar stafræna tækni til að tryggja rekjanleika, gagnsæi og skilvirkni við söfnun gagna og miðlun upplýsinga sem tengjast umhverfismálum. Með því að haga starfsemi Búseta á samfélagslega ábyrgan hátt látum við gott af okkur leiða um leið og við stuðlum að heilbrigðum vexti sem er til hagsbóta fyrir félagsmenn og samfélagið í heild.

Framkvæmdastjóri staðfestir hér með sjálfbærniuppgjör félagsins fyrir tímabilið 1. janúar til 31. desember 2020 með undirritun sinni.

Reykjavík, 9. apríl 2021.

Bjarni Þór Þórólfsson framkvæmdastjóri, Búseti hsf.

Áritun Klappa

Áritunaraðili: Dr. Jón Ágúst Þorsteinsson
Verkefnastjóri: Kristinn Logi Auðunsson

Við höfum aðstoðað við gerð sjálfbærniuppgjörs Búseta fyrir árið 2020. Uppgjörið byggir á þeim upplýsingum sem umhverfishugbúnaður félagsins, Klappir, hefur safnað saman yfir árið.

Sjálfbærniuppgjörið hefur að geyma allar helstu upplýsingar um umhverfisþætti Búseta. Við höfum skipulagt og hagað okkar vinnu í samræmi við leiðbeiningar Nasdaq frá 2019 og meginreglur Greenhouse Gas Protocol aðferðafræðinnar (Relevance, Accuracy, Completeness, Consistency, Transparency).

Klappir safnar gögnum eins örugglega frá upprunastað gagna og núverandi tækni leyfir. Losun gróðurhúsalofttegunda er reiknuð í tCO2í og birt í umhverfisuppgjöri þessu.

Ég staðfesti hér með, með undirskrift minni, að þau gögn Búseta og birgja þess sem birt eru í sjálfbærniuppgjöri þessu fyrir tímabilið 1. janúar 2018 til 31. desember 2020, hafa verið yfirfarin og metin eftir bestu vitund. Gögn tengd félagslegum þáttum og stjórnarháttum voru ekki yfirfarin af Klöppum. Klappir bera ekki ábyrgð á fjárfestingaákvörðunum teknum á grundvelli þeirra upplýsinga sem hér birtast.

Reykjavík, 9. apríl 2021

Dr. Jón Ágúst Þorsteinsson Forstjóri, Klappir grænar lausnir hf.

Umfang og skipulagsmörk

Um fyrirtækið

Búseti er húsnæðissamvinnufélag að norrænni fyrirmynd, rekið án hagnaðarsjónarmiða og í eigu félagsmanna hverju sinni. Markmið félagsins er að stula að öruggum búsetukostum þar sem unnið er að hagsmunum félagsmanna með sjálfbærni og langtímahugsun að leiðarljósi. Eignasafn félagsins telur 1.043 fasteignir víðast hvar um höfuðborgarsvæðið.

Skipulagsmörk (e. Organizational Boundaries)

Við gerð losunaruppgjörs Búseta hefur „Operational Control“ aðferðafræðin orðið fyrir valinu en samkvæmt henni gerir fyrirtæki grein fyrir allri losun gróðurhúsalofttegunda frá þeim rekstrareiningum sem það hefur yfirráð yfir. Fyrirtækið gerir ekki grein fyrir losun gróðurhúsalofttegunda frá þeim rekstrareiningum sem það hefur ekki yfirráð yfir þrátt fyrir að það eigi hagsmuna að gæta af rekstri þeirra.

Innan skipulagsmarka uppgjörsins fellur, auk Búseta hsf., Leigufélag Búseta ehf.

Rekstrarmörk (e. Operational Boundaries)

Innan rekstrarmarka Búseta er losun í umfangi 1 vegna eldsneytisnotkunar bifreiða í rekstri og/eða eigu félagsins og í umfangi 2 fyrir heitavatns- og rafmagnsnotkun í höfuðstöðvum félagsins. Þeir þættir, sem taldir eru fram í umfangi 3 í uppgjöri Búseta, eru losun vegna meðhöndlunar á úrgangi frá höfuðstöðvum félagsins og vinnutengdra flugferða starfsmanna.

Utan þessa uppgjörs stendur eignasafn Búseta, en uppgjörið nær einungis utan um kjarnastarfsemi félagsins.

Viðmiðunarár

Viðmiðunarár Búseta er 2019.

Lykilþættir

Kolefnisuppgjör (E1): Sjálfbærniuppgjör Búseta 2020 inniheldur fyrsta kolefnisbókhald félagsins, en bókhaldið nær aftur til ársins 2018. Losun félagsins nam 18,2 tonnum koltvísýringsígilda (tCO2í). Náð var að fullu utan um kjarnarekstur félagsins, en unnið verður að því í framhaldinu að ná utan um losun í eignasafni Búseta.

Losunarkræfni (E2): Losunarkræfni tekna var 6,6 kgCO22í/milljón ISK árið 2020, en það er 31,3% lækkun frá grunnári. Losunarkræfni á fermetrastærð eignasafns var 0,2 kgCO22í/m2, en það er 16,7% lækkun frá grunnári.

Orkunotkun (E3): Heildarorkunotkun Búseta nam 151.768 kWst. Orkunotkun samanstendur af rafmagns-, heitavatns-, og eldsneytisnotkun. Óbein orkunotkun vegna rafmagns og heitavatnsnotkunar nam 81.739 kWst.

Vatnsnotkun (E6): Heildarvatnsnotkun Búseta var 1.246 m3. Þar af var 1.121 m3 notkun á heitu vatni.

Kolefnisjöfnun: Búseti hefur kolefnisjafnað kjarnarekstur sinn með mótvægisaðgerðum með fjárfestingu í skógrækt á vegum Kolviðar. Samtals mótvægisaðgerðir jafngilda 18,2 tCO2í.

Aðferðafræði

Við útreikninga á umhverfisuppgjöri Búseta er stuðst við „The Greenhouse Gas Protocol“ sem er stöðluð aðferðafræði sem innleidd hefur verið af fjölda fyrirtækja um allan heim með góðum árangri. Búseti hefur lagt áherslu á að loftslagsverkefnið sé unnið innan ramma þeirra innlendu og alþjóðlegu laga og reglugerða sem snúa að umhverfismálum.

Bein og óbein losun gróðurhúsalofttegunda (E1)

The Greenhouse Gas Protocol skiptir losun upp í umfang 1, 2 og 3. Þetta er gert til að greina í sundur beina og óbeina losun.

• Umfang 1 tekur saman beina losun gróðurhúsalofttegunda frá starfsemi fyrirtækis. Í tilfelli Búseta afmarkast umfang 1 við losun vegna eldsneytisnotkunar bifreiða í rekstri og/eða eigu félagsins
  
• Umfang 2 tekur saman óbeina losun gróðurhúsalofttegunda sem tengd er raforkunotkun og notkun á heitu vatni. Losun af þessu tagi á sér ekki stað innan marka starfsemi fyrirtækisins og telst því til óbeinnar losunar.
  
• Umfang 3 tekur saman óbeina losun gróðurhúsalofttegunda í virðiskeðju Búseta. Sú losun, sem talin er fram í uppgjöri þessu, eru losun vegna úrgangslosunar frá höfuðstöðvum félagsins og vinnutengdra flugferða starfsmanna.
  

Greint er frá losun gróðurhúsalofttegunda í tonnum af CO2 ígildum (tCO2í). Losun gróðurhúsalofttegunda er mæld í tonnum svokallaðra koltvísýringsígilda (tCO2í). Koltvísýringsígildi er mælieining sem lýsir því magni koltvísýrings sem hefur sama hnatthlýnunarmátt (e. GWP, global warming potential) og tiltekin blanda annarra gróðurhúsalofttegunda miðað við hundrað ára tímabil. Til að mynda jafngildir metan (CH4) u.þ.b. 25 koltvísýringsígildum og nituroxíð (N2O) u.þ.b. 298 koltvísýringsígildum.

Nettó kolefnislosun

Nettó kolefnislosun starfsemi sýnir nettó losun fyrirtækis með teknu tilliti til aðgerða til kolefnisjöfnunar.

Losunarkræfni (E2)

Tölur um losunarkræfni eru byggðar á samanlögðu umfangi 1, umfangi 2 (landsnetið) og umfangi 3. Losunarkræfni reiknast sem losun gróðurhúsalofttegunda á valda rekstrarþætti og er sett fram sem tCO2í á

einingu (svo sem tCO2í á móti heildartekjum). Mælikvarðarnir mæla og bera losun fyrirtækisins saman við stærð rekstrarins.

Bein og óbein orkunotkun (E3)

Heildarorkunotkun mælir alla orku sem nýtt er af fyrirtækinu, að meðtöldu því eldsneyti sem notað er á ökutæki fyrirtækisins (umfang 1) og orku frá rafveitum og heitu vatni (umfang 2). Orkunotkunin er sett fram í kílówattstundum (kWst).

Orkukræfni (E4)

Orkukræfni reiknast sem heildarorkunotkun deilt í valda rekstrarþætti og er sett fram sem kWst á einingu (svo sem kWst á starfsmann í fullu stöðugildi). Mælikvarðarnir eru notaðir til að mæla orkunýtni og bera orkunotkun fyrirtækisins saman við stærð rekstrarins.

Klappir grænar lausnir hf. 15

Skýringar

1) Útreikningar á losun vegna rafmagnsnotkunar byggjast á meðallosun frá framleiðslu rafmagns á Íslandi, sem birt er í Landsskýrslu um losun gróðurhúsalofttegunda (Icelandic National Inventory Report) og er gefin út af Umhverfisstofnun.

2) Rafmagnsnotkun í höfuðstöðvum Búseta er áætluð miðað við hlutfall af heildarnotkun húsnæðisins miðað við fermetrafjölda, en Búseti deilir húsnæði með öðrum rekstri.

3) Heitavatnsnotkun í höfuðstöðvum Búseta er áætluð miðað við hlutfall af heildarnotkun húsnæðisins miðað við fermetrafjölda, en Búseti deilir húnsæði með öðrum rekstri.

4) Samkvæmt upprunaábyrgðum raforkusala, notaði Búseti 100% endurnýjanlega raforku árið 2020. Staðfesting á uppruna rafmagns frá raforkusala.

5) Umhverfisstefna Búseta er aðgengileg á vefsíðu félagsins.
Umhverfisstefna Búseta.

6) Í umhverfisstefnu Búseta er fjallað sérstaklega um úrgangs- og orkumál.

7) Miðgildi launa karla sem hlutfall af miðgildi launa kvenna er 1,17. Hjá félaginu eru 15 starfsmenn og er hluti af þeim menntaður á sviði verkfræði, tæknifræði og byggingarfræði. Þessir starfsmenn eru almennt í hærri launaþrepum en aðrir starfsmenn félagsins. Í tilfelli Búseta þá eru karlar sem sinna þessum störfum og útskýrir að einhverju leyti launamun kynjanna. Miðgildi launa getur gefið skakka mynd þegar fáir eru á vinnustað. Þó svo að hlutfallið sé hátt þá gefur það ekki rétta mynd af jafnlaunastefnu félagsins. Ekki er mismunað í launum fyrir sambærileg störf hjá Búseta.

8) Stefna Búseta gegn einelti, áreitni og ofbeldi fjallar um kynferðislegt áreiti og kynbundið ofbeldi, ásamt því tekur mannréttinda- og mannauðsstefna Búseta fyrir hvers kyns kynbundna mismunun.
Stefna gegn einelti, áreitni og ofbeldi
Mannréttindi og mannauður

9) Heilsu- og öryggisstefna Búseta er aðgengileg á vefsíðu félagsins. Heilsu- og öryggisstefna

10) Í mannréttinda- og mannauðsstefnu Búseta, sem byggð er á 10 meginreglum Sameinuðu þjóðanna um mannréttindi, vinnumarkað, umhverfismál og aðgerðir gegn spillingu, er tekið fram að afnám allrar nauðungar-, þrælkunar-, og barnavinnu skuli vera tryggt.

11) Mannréttinda- og mannauðsstefna Búseta er aðgengileg á heimasíðu félagsins.
Mannréttindi og mannauður

12) Siðareglur Búseta eru aðgengilegar á vefsíðu félagsins.
Siðareglur

13) Persónuverndarstefna Búseta er aðgengileg á vefsíðu félagsins. Persónuverndarstefna